Free event tickets is selling until 6 PM

BASSIANI: 20.05.16

■ MARCO SHUTTLE
■ WATA IGARASHI
■ BRYAN KASENIC

THE BUNKER NEW YORK : 2013 წელს, ბრუკლინში, Bryan Kasenic-ის მიერ დაარსებული ლეიბლი, რომელიც ნიუ-იორკის ერთ-ერთი ყველაზე ცნობილი და გამორჩეული ელექტრონული მუსიკის ფართების სერიის გაგრძელებაა. The Bunker New York-ის ღამეები 2003 წელს შეიქმნა, რის მერეც ქალაქის ტექნო სცენის განსხვავებული, ექსპერიმენტული განზომილებების აღმოჩენა დაიწყო და საკუთარი მძიმე, უცნაური, პროვოკაციული ჟღერადობა ჩამოაყალიბა. The Bunker NY-ი, როგორც ლეიბლი, გარკვეულად წინა 10 წლის რეფლექსიას წარმოადგენს, დაგროვილი გამოცდილება და იდეები სტუდიურ ჩანაწერებში გადმოაქვს, მასზე გამოიცემიან ისეთი არტისტები, როგორიც არის: Leisure Muffin, Voices From The Lake, Marco Shuttle, Atom™, Donato Dozzy და ა.შ

MARCO SHUTTLE: იგივე Marco Sartorelli, ლონდონში მოღვაწე იტალიელი DJ და პროდიუსერი, ლეიბლის Earie დამაარსებელი. 2007 წლიდან, მისი რელიზები გამოდის ისეთ ლეიბლებზე როგორიც არის: Time To Express, The Bunker New York, Clone Store Only Series ა.შ არის ერთი ალბომის Visione ავტორი, რომელიც 2014 წელს გამოვიდა, ალბომი მძიმე ტექნოს და ემბიენტ საუნდით გამოირჩევა და მასში შესულია კოლაბორაციული ტრეკი Donato Dozzy-სთან. Marco-ს შემოქმედება ელექტრონული მუსიკის განსხვავებულ ასპექტებს მოიცავს და ერთდროულად ჯაზის თუ დეტროიტ ტექნოს ჟღერადობებს აერთიანებს.

WATA IGARASCHI: პროდიუსერი და DJ ტოკიოდან, მან თავი მუსიკის განსხვავებულ ჟანრებში სცადა, დღესდღეობით კი ანდერგრაუნდ ტექნო სცენაზე ერთ-ერთი ღრმა და უნიკალური ჟღერადობით გამოირჩევა. მას ყველაზე იმედისმომცემი ელექტრონული მუსიკის არტისტების ჩამონათვალში მოწინავე პოზიციებზე მოიხსენიებენ. აღსანიშნავია Igarashi-ს 2016 წელს გამოსული Ciphers Ep, რომელიც ლეიბლ Midgar-ს ეკუთვნის, ასევე მისი The Bunker NY-თვის ჩაწერილი პოდკასტი, რომელიც 2015 წლის ერთ-ერთი საუკეთესო მიქსია.

BRYAN KASENIC: ამერიკელი DJ და პრომოუტერი, მის სახელს უკავშირდება The Bunker New York-ის შექმნა და განვითარება. Bryan-ის სეტებში საუკეთესოდ აისახება მისი თავდადება და სიყვარული იმ მუსიკისა და ჟღერადობის მიმართ, რომელსაც ის სხვადასხვა მიმართულებით ანვითარებდა ქალაქ ნიუ-იორკში.


Please Login to buy tickets